وزیر اعظم کی معاون خصوصی برائے اطلاعات و نشریات ڈاکٹر فردوس عاشق اعوان کی سیالکوٹ میں پریس کانفرنس

سیالکوٹ26جنوری (اے پی پی )وزیر اعظم کی معاون خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ 2020 قومی ترقی اور خوشحالی اور عوام کو زیادہ سے زیادہ مالی ریلیف دینے کا سال ثابت ہوگا’حکومت ہر ریاستی ادارے سے بدعنوانی کو جڑ سے اکھاڑ پھینکنے کے لئے اپنے اصلاحاتی ایجنڈے پر عمل درآمد کے لئے پوری طرح پرعزم ہے’ وزیر اعظم عمران خان قوم کی امنگوں کے مطابق ملک کی ترقی کے لئے پرعزم ہیں، ملک کے منتخب نمائندے اس سلسلے میں اپنا بھر پور کردارادا کر رہے ہیں۔ ان خیالات کا اظہار وزیر اعظم کی معاون خصوصی برائے اطلاعات و نشریات ڈاکٹر فردوس عاشق اعوان نے سیالکوٹ میں پریس کانفرنس سے خطاب کرتے ہوئے کیا۔ انہوں نے کہا کہ وزیر اعظم عمران خان کی متحرک قیادت میں تحریک انصاف کی حکومت کی جانب سے نافذ کی جانے والی مثبت اور موثر معاشی پالیسیوں کی وجہ سے پاکستان اب قومی معاشی استحکام کے مقصد کی کامیابی کے ساتھ آگے بڑھ رہا ہے۔معاون خصوصی برائے اطلاعات و نشریات نے کہا کہ بدعنوان مافیا کے خلاف حکومت کی جنگ آخری مرحلے میں ہے اور ملک میں جمہوریت کو مستحکم کرنے کے لئے تمام اسٹیک ہولڈرز کو حکومت میں شامل ہونا چاہئے۔ ڈاکٹر فردوس عاشق اعوان نے پنجاب میں پاکستان تحریک انصاف کی حکومت سے متعلق دعووں کی نفی کرتے ہوئے مزید کہا کہ تمام ایم پی ایز نے وزیر اعلی سردار عثمان بزدار کی قیادت پر مکمل اعتماد ظاہر کیا ہے۔ہفتے کے روزوزیر اعلی کی ایم پی ایز سے ملاقات پر تبصرہ کرتے ہوئے، ڈاکٹر فردوس عاشق اعوان نے کہا ان کے تمام خدشات اور تحفظات پربات کرنے کے بعد، پنجاب کے تمام ایم پی ایز نے ایک بار پھرسردار عثمان بزدارکی قیادت پرمکمل اعتماد کا اظہار کیا ہے۔ میڈیا اور اپوزیشن میں ‘ٹرینڈ سیٹرز’ اور ‘ایجنڈا سیٹرز’ کے لئے یقینا یہ اچھی خبر نہیں ہے۔ انہوں نے کہا کہ حکومت کے اتحادی حکومت کے ساتھ کندھے سے کندھا ملا کر کھڑے ہیں۔ چاہے وہ پاکستان مسلم لیگ ق ہو یا دوسری سیاسی جماعتیں، وہ ملک کو ترقی کی راہ پر گامزن کرنے کے لئے پرعزم ہیں۔انہوں نے کہا کہ ملک کے عوام چاہتے ہیں کہ پاکستان ترقی کرے۔ ملک کی ترقی کے لئے یہ ضروری ہے کہ جن جماعتوں کو عوام نے پانچ سال سے مینڈیٹ دیا ہے، وہ قانون سازی میں اپنا آئینی کردار ادا کریں۔انہوں نے زور دے کر کہا حکومت کے خلاف بولنے اور لوگوں کو گمراہ کرنے کی کوشش کرنے کے بجائے، اپوزیشن کو پارلیمنٹ میں اپنا کردار ادا کرنا چاہئے اور قانون سازی میں حکومت کی مدد کرنی چاہئے۔اس موقع پرانہوں نے اپوزیشن سے مطالبہ کیا کہ وہ 5 فروری کو یوم یکجہتی کشمیر کے سلسلے میں منعقدہ پروگراموں میں شریک ہوں۔ڈاکٹر فردوس عاشق اعوان نے مظلوم کشمیریوں کے ساتھ مکمل یکجہتی کا اظہار کرتے ہوئے کہا کہ ہندوستانی حکومت نے مقبوضہ جموں و کشمیر میں مقیم جموں و کشمیر میں غیر انسانی طور پر بڑے پیمانے پر انسانی حقوق کی خلاف ورزیوں، روایتی قتل وغارت گری سے بے گناہ کشمیریوں کی نسل کشی جاری رکھے ہوئے مظلوم کشمیریوں کی زندگیاں اجیرن کر دی ہیں۔ انہوں نے کہا کہ بھارت مظلوم کشمیریوں کو دیواروں سے لگانے کی کوشش کر رہا ہے اورکہا کہ ہندوستانی حکومت ہندوستان میں اقلیتوں بشمول مسلمانوں کو ختم کرنے کا ارادہ رکھتی ہے’ ہندوستانی حکومت اقلیتوں خصوصا مسلمانوں کو نشانہ بنا رہی ہے۔مودی سرکار کو اپنی پالیسیوں پر نظر ثانی کرناہوگی، انہوں نے کہا کہ وزیراعظم عمران خان کے آر ایس ایس اور فاشسٹ مودی حکومت کے بارے میں بیانات کو عالمی میڈیا میں اجاگر کیا جارہا ہے۔اس موقع پرمعاون خصوصی نے عالمی برادری سے معصوم کشمیریوں پر بھارتی ظلم و بربریت کے خاتمے میں مدد کے لئے اپنا کردار ادا کرنے کی اپیل کی۔انہوں نے کہا کہ بین الاقوامی ادارے اور تنظیمیں بھارت کی طرف سے سیکولر ازم کے نفی اور دعوے کررہی ہیں۔ڈاکٹر فردوس عاشق اعوان نے کہا کہ بہادر کشمیری عوام کی انسانی وقار اور حق خودارادیت کے ان کے جائز حق کیلئے جدوجہد میں بہادر کشمیری عوام کی سیاسی، سفارتی اور اخلاقی مدد جاری رکھنے کے عزم کا اظہار کیا۔