گذشتہ مالی سال کے مقابلہ میں رواں مالی سال کے دوران انفارمیشن ٹیکنالوجی اور آئی ٹی ایز کی برآمدات میں23.94فیصد اضافہ

اسلام آباد ۔ 16 مئی (اے پی پی) گذشتہ مالی سال کے مقابلہ میں جاری مالی سال کے دوران انفارمیشن ٹیکنالوجی اور آئی ٹی کی خدمات(آئی ٹی ایز) کی برآمدات میں23.94فیصد اضافہ ہوا ہے۔ ادارہ برائے شماریات پاکستان (پی بی ایس) کے اعدادوشمارکے مطابق جاری مالی سال میں جولائی تا مارچ2019-20ءکے دوران برآمدات کا حجم 901.486 ملین ڈالر تک بڑھ گیا جبکہ گذشتہ مالی سال کے اسی عرصہ کے دوران آئی ٹی اور آئی ٹی ایز کی برآمدات سے 727.353 ملین ڈالر زرمبادلہ کمایا گیا تھا۔اس طرح گذشتہ مالی سال کے مقابلہ میں رواں مالی سال کے ابتدائی نومہینوں کے دوران برآمدات میں174.133ملین ڈالر یعنی23.94فیصد کا نمایاں اضافہ ریکارڈ کیا گیا ہے۔