برآمدات پرمال برداری کے اخراجات میں گزشتہ مالی سال کے مقابلے میں 35.20 فیصد اضافہ

اسلام آباد ۔ 17 مئی (اے پی پی)برآمدات پرمال برداری کے اخراجات میں جاری مالی سال کی ابتدائی تین سہ ماہیوں میں گزشتہ مالی سال کے مقابلے میں 35.20 فیصد اضافہ ریکارڈکیاگیاہے۔سٹیٹ بنک کے اعدادوشمارکے مطابق جولائی 2019ءسے لیکرمارچ 2020ءکے اختتام تک برآمدات پرمال برداری اخراجات کی مد میں 178.01 ملین ڈالرخرچ ہوئے ، جو گزشتہ مالی سال کی اسی مدت کے مقابلے میں 35.20 فیصد زیادہ ہے، گزشتہ مالی سال کی ابتدائی تین سہ ماہیوں میں برآمدات پرمال برداری اخراجات کی مد میں 147.91 ملین ڈالرصرف ہوئے تھے۔مارچ 2020ءمیں برآمدات پرمال برداری کے اخراجات کاحجم 19.98 ملین ڈالرریکارڈکیاگیا۔یہ شرح گزشتہ سال مارچ کے مقابلے میں 34.14 فیصد زیادہ ہے۔گزشتہ سال مارچ میں برآمدات پرمال برداری اخراجات کے ضمن میں 14.82 ملین ڈالرصرف ہوئے تھے۔مالی سال 2018-19ءمیں برآمدات پرمال برداری اخراجات کی مد میں 191.08 ملین ڈالر کی رقم خرچ ہوئی تھی،سال 2017-18 میں اس مد میں اخراجات کا کل حجم 233.91 ملین ڈالرریکارڈکیاگیاتھا۔