یوکرین نے اندرون ملک شہری پروازوں کو محدود کر دیا ہے،غیر ملکی پروازوں کی آمد معطل

کیف۔24فروری (اے پی پی):یوکرین نے اندرون ملک شہری پروازوں کو محدود کر دیا ہے ۔قطر ایئرویز، ویز ایئر، ترکش ایئر لائنز اور دیگر سمیت ایئر لائنز نے جمعرات کو کیف کی پروازیں منسوخ کر دی تھیں۔

یوکرین کی فیڈرل ایوی ایشن ایڈمنسٹریشن کی ویب سائٹ پر پوسٹ کیے گئے نوٹس میں کہا گیا ہے کہ پروازوں کو "سول ایوی ایشن کے لیے ممکنہ خطرے کی وجہ سے” روک دیا گیا تھا۔

پروازوں پر پابندی کا نوٹس اس وقت سامنے آیا جب روسی صدر ولادیمیر پوٹن نے اعلان کیا تھا کہ ان کی افواج یوکرین میں فوجی آپریشن شروع کریں گی۔ پوٹن کے اعلان کے فوراً بعد یوکرین کے دارالحکومت کیف جیسے شہروں میں دھماکوں کی اطلاعات موصول ہوئی ہیں ۔

یورپی یونین کی فضائی حفاظت کی ایجنسی نے بھی اپنی ائر لائنز کو یوکرین کی فضائی حدود بشمول بیلاروس اور روس کی سرحدوں کے 100 ناٹیکل میل کے استعمال سے گریز کرنے کا انتباہ جاری کیا ہے، لفتھنزا اور کے ایل ایم سمیت کئی غیر ملکی ایئر لائنز نے بھی روس یوکرین کی پروازیں معطل کر دی ہیں ۔

پولش ایئر لائنز ایل او ٹی کی پرواز روانہ ہونے کے باوجود واپس وارسا بلا لی گئی۔اس سے قبل روس نے یوکرین کے ساتھ ملک کی مشرقی سرحد کے ساتھ پروازیں محدود کر دی تھیں۔