اوکاڑہ۔ 23 اگست (اے پی پی):ریسکیو اینڈ فلڈ ریلیف آپریشن میں 14ہزار6سو سے زائد افراد کومال مویشیوں سمیت محفوظ مقامات پر منتقل کرنے کے ساتھ ساتھ 34سو50 سے زائد افراد کو ٹرانسپورٹیشن کی سہولت بھی فراہم کی گئی ہے۔
ڈسٹرکٹ ایمرجنسی آفیسر ظفر اقبال کی زیر قیادت دریائے ستلج پر اونچے درجے کی سیلابی صورتحال میں ریسکیو 1122 کی جانب سے سیلاب سے متاثرہ علاقوں میں امدادی کارروائیوں کے نتیجے میں تاحال ریسکیو اینڈ فلڈ ریلیف آپریشن میں 14ہزار6سو سے زائد افراد کو مال مویشیوں سمیت محفوظ مقامات پر منتقل کرنے کے ساتھ ساتھ 3450 سے زائد افراد کو ٹرانسپورٹیشن کی سہولت بھی فراہم کی گئی،ریسکیو ٹیموں کی جانب 11 مقامات پر ریسکیو اینڈ فلڈ ریلیف آپریشن کیا جا رہا ہے،آپریشن میں ریسکیو 1122 کی 40 بوٹس اور 170 سے زائد ریسکیورز حصہ لے رہے ہیں۔
میڈیا کوآرڈینیٹر ریسکیو 1122 کے مطابق آج بھی 1230 سے زائد افراد کو متاثرہ علاقوں سے محفوظ مقامات پر منتقل کیا گیا،فلڈ ریلیف آپریشن میں متاثرین تک کھانے کی سپلائی کو بھی یقینی بنایا جا رہا ہےاور3450 سے زائد افراد کو ٹرانسپورٹیشن کی سہولت بھی فراہم کی گئی ہے۔
Short Link: https://urdu.app.com.pk/urdu/?p=381993
