محکمہ تحفظ ماحول پنجاب نے ایئر کوالٹی انڈیکس جاری کر دیا، ترجمان

لاہور۔26اگست (اے پی پی):محکمہ تحفظ ماحول پنجاب نے گزشتہ 24گھنٹوں کے دوران ریکارڈ کئے گئے ایئر کوالٹی انڈکس کے اعدادوشمار جاری کر دیئے۔

محکمے کے ترجمان نے ہفتہ کو بتایا کہ لاہور کے ٹائون ہال میں ایئر کوالٹی انڈکس 96اور پنجاب یونیورسٹی نیو کیمپس میں 116ریکارڈ کیا گیا، راولپنڈی کے شالے ویلی رینج روڈ پر ایئر کوالٹی انڈکس 76، شیخوپورہ کے لاہور فیصل آباد بائی پاس پر 36 اور سرگودھا کی چونگی نمبر 9میں 99رہا۔

ترجمان نے واضح کیا کہ ایئر کوالٹی انڈیکس کی رینج صفر سے 500 پوائنٹس تک ہے، 50پوائنٹس سے کم کو انسانی صحت کیلئے موزوں جبکہ300سے زائد کوخطرناک قرار دیا گیا ہے۔

Short Link: https://urdu.app.com.pk/urdu/?p=382746