لاہور۔9ستمبر (اے پی پی):لاہور پولیس اور پنجاب سیف سٹیز اتھارٹی نے مشترکہ آپریشن کاسلسلہ جاری رکھتے ہوئے 3رکنی ڈکیت گینگ کو گرفتار کرلیا۔ترجمان کے مطابق سیف سٹی ٹیم کی نشاندہی پر وحدت کالونی پولیس نے 3رکنی ڈکیت گینگ کو گرفتار کیا۔ پولیس آپریشن میں سیف سٹیز کیمروں کی مدد سے ملزمان کو ٹریس کیا گیا، ملزمان کے قبضے سے چوری شدہ موبائل فون، اسلحہ اور نقدی برآمد کر لی گئی، ملزمان کو گرفتار کرتے ہوئے ضابطے کے مطابق مقدمہ درج کر لیا گیا۔
ایس پی عثمان ٹیپو کا کہنا تھاکہ دوران تفتیش ملزمان نے لاہور کے مختلف علاقوں میں وارداتیں کرنے کا انکشاف کیا ہے، لاہور پولیس ڈکیت گینگز کے خلاف سیف سٹی کے ساتھ مل کر ٹارگٹڈ آپریشن کر رہی ہے۔ جرائم کی سرکوبی کیلئے سیف سٹی کیمرے مددگار ثابت ہو رہے ہیں، شہری اپنے اردگرد کسی بھی مشکوک شخص یا سرگرمی کی اطلاع 15 پر دیں۔
Short Link: https://urdu.app.com.pk/urdu/?p=388570
