معذور افراد، بزرگ شہری اور طالبعلموں کیلئے میٹرو بس اور اورنج لائن میٹرو ٹرین کے فری سفر کی منظوری دے دی گئی ہے۔ صوبائی وزیر ٹرانسپورٹ

لاہور۔11ستمبر (اے پی پی):نگران صوبائی وزیر ٹرانسپورٹ ابراہیم مراد نے کہا ہے کہ حکومت پنجاب نے معذوروں، بزرگوں اور طلبا و طالبات کیلئے بڑے ریلیف کا اعلان کیا ہے۔ نگران وزیراعلی محسن نقوی کی زیر صدارت جنوبی پنجاب سیکرٹریٹ ملتان میں پنجاب کابینہ کے منعقد ہونے والے 25ویں اجلاس میں فری سفری سہولت کی منظوری دے دی گئی ہے۔

اس حوالے سے صوبائی وزیر ابراہیم مراد نے اپنے جاری بیان میں کہا کہ معذور افراد،بزرگ اور طلبا و طالبات اب میٹروبس سروس اوراورنج لائن میٹروٹرین پر مفت سفر کرسکیں گے، پنجاب حکومت عوام کی فلاح و بہبود اور ان کے لئے آسانیاں پیدا کرنے کے لئے اس طرح کے اقدامات جاری رکھے گی۔ ابراہیم مراد نے کہا کہ مہنگائی کے اس دور میں فری سفری سہولیات شہریوں کی مشکلات میں کمی کا باعث بنے گی۔

Short Link: https://urdu.app.com.pk/urdu/?p=389276