اسلام آباد۔4جنوری (اے پی پی):انسٹیٹیوٹ آف سٹریٹجک سٹیڈیز کے ڈائریکٹر جنرل سہیل محمود سے بیلجیم، لکسمبرگ اور یورپی یونین میں پاکستان کی سفیر آمنہ بلوچ نے یہاں ملاقات کی۔
جمعرات کو انسٹی ٹیوٹ آف سٹریٹجک سٹیڈیز کے ٹویٹ کے مطابق سفیر آمنہ بلوچ سے ملاقات میں علاقائی پیش رفت، پاکستان۔یورپی یونین تعلقات کے مخلتف پہلوؤں اورعوامی سطح پر روابط پر مفید تبادلہ کیا گیا۔
ملاقات کے دوران یورپی یونین کے تھنک ٹینکس کے ساتھ علمی اور تحقیقی روابط کو مزید گہرا کرنے پر مل کر کام کرنے پر بھی اتفاق کیا گیا۔
