جکارتہ ۔14مارچ (اے پی پی):انڈونیشیا میں 6.2 شدت کے زلزلے کے جھٹکے محسوس کیے گئے ۔ شنہوا کے مطابق ملک کی موسمیات اور جیو فزکس ایجنسی نے بتایا ہےکہ جمعرات کی صبح وسطی انڈونیشیا کے شمالی سولاویسی صوبے میں 6.2 کی شدت کے زلزلے کے جھٹکے محسوس کئے گئے ہیں ۔
زلزلے کا مرکز مشرقی بولانگ مونگونڈو ریجنسی سے 128 کلومیٹر جنوب مشرق میں سمندر کی تہہ کے نیچے 10 کلومیٹر کی گہرائی میں تھا۔ زلزلے کے بعد کسی جانی یا مالی نقصان کی اطلاع موصول نہیں ہوئی۔ واضح رہے انڈونیشیا، ایک جزیرہ نما ملک، بحرالکاہل کا رنگ آف فائر کہلانے والے کمزور زون میں ہونے کی وجہ سے زلزلوں کا شکار رہتا ہے۔
