اسلام آباد۔9جولائی (اے پی پی):وفاقی وزیرداخلہ محسن نقوی نے اسلام آباد کے تھانہ کھنہ کی حدود میں راولپنڈی سے ملحقہ علاقے میں ڈور پھرنے سے 7 سالہ بچی کے جاں بحق ہونے کے واقعہ کا نوٹس لیتے ہوئےآئی جی اسلام آبادپولیس سے رپورٹ طلب کرلی۔منگل کووزارت داخلہ کی جانب سے جاری بیان کے مطابق وزیر داخلہ نے ذمہ داران کے خلاف قانونی کارروائی کا حکم دیدیا ہے۔
وزیرداخلہ محسن نقو ی نے جاں بحق بچی کے لواحقین سے دلی ہمدردی و اظہار تعزیت کرتے ہوئے کہا کہ وہ سوگوار خاندان کے غم میں برابر کے شریک ہیں۔ وزیر داخلہ نے اسلام آباد میں پتنگ بازی پر پابندی کے قانون پر سختی سے عملدرآمد یقینی بنانے کا حکم دیتے ہوئے کہا کہ پتنگ بازی پر پابندی کے قانون کی خلاف ورزی پر بلا امتیاز کارروائی کی جائے۔ وزیرداخلہ محسن نقوی کی ہدایت پر اسلام آبادپولیس نے راولپنڈی سے ملحقہ علاقوں میں پتنگ بازوں کے خلاف کریک ڈاؤن کرتے ہوئے39 چھاپے مارے جن کے دوران23 افراد کو گرفتارکیا گیا۔
Short Link: https://urdu.app.com.pk/urdu/?p=483148
