اسلام آباد۔3اگست (اے پی پی):پاکستان انوائرمنٹل پروٹیکشن ایجنسی (پاک-ای پی اے) نے راول ڈیم سے پانی کے نمونے اکٹھے کیے تاکہ بڑے پیمانے پر مچھلیوں کے مرنے کی وجوہات کا پتہ لگایا جا سکے، شہری علاقوں میں میں ماحولیاتی تحفظات کو جنم دیا ہے۔
ہفتہ کو ای پی اے کی جانب سے جاری بیان میں کہا گیا ہے "راول ڈیم میں مچھلیوں کے مرنے کے حالیہ واقعات نے خطرے کی گھنٹی بجا دی ہے کیونکہ آبی ذخائر میں پانی کی سطح میں مسلسل کمی آرہی ہے۔
اس صورتحال نے پاکستان انوائرمنٹل پروٹیکشن ایجنسی (پاک-ای پی اے) کی جانب سے فوری کارروائی کا اشارہ کیا ہےجو اہم ماحولیاتی خدشات کو اجاگر کرتے ہیں ۔ڈائریکٹر جنرل پاک-ای پی اے فرزانہ الطاف شاہ کی ہدایت پر ڈاکٹر ضیغم عباس، ڈائریکٹر (لیب/این ای کیو ایس) اور ای پی اے کے ڈائریکٹر (ای آئی اے/مونٹ) عاشق نواز کی نگرانی میں ایک معائنہ کیا گیا۔
ٹیم نے موجودہ حالات کا جائزہ لینے کے لیے راول ڈیم کا دورہ کیا اور پانچ اہم مقامات سے پانی کے نمونے حاصل کیے جن میں تین ان لیٹ پوائنٹس، کشمیر چوک پوائنٹ، لیک ویو پوائنٹ کے قریب ڈپلومیٹک انکلیو، اور اے کیو خان روڈ کورنگ پوائنٹ کے ساتھ ساتھ ڈیم کا مرکز۔ اور آؤٹ لیٹ سپل وے پوائنٹ شامل ہیں۔
ہر مقام پر ٹیم نے ایک سائٹ پر فزیو کیمیکل تجزیہ کیا جس میں کلیدی اشارے جیسے تحلیل شدہ آکسیجن (ڈی او)، پی ایچ، ٹربائڈیٹی، ٹوٹل ڈسلوڈ سالڈ (ٹی ڈی ایس)، الیکٹریکل کنڈکٹیوٹی (ای سی) اور پانی کے درجہ حرارت کی پیمائش کی۔یہ پیرامیٹرز آبی زندگی کو متاثر کرنے والے فوری ماحولیاتی عوامل کو سمجھنے کے لیے بہت اہم ہیں۔
جامع تشخیص کو یقینی بنانے کے لیے نمونے کلین لیبارٹری Pak-EPA کو تفصیلی کیمیائی اور مائکروبیل تجزیہ کے لیے بھیجے گئے ہیں۔ نتائج مچھلی کے مرنے کی ممکنہ وجوہات کے بارے میں بصیرت فراہم کریں گے اور ضروری مداخلتوں کو وضع کرنے میں مدد کریں گے۔
ای پی اے کے ایک اہلکار نے اے پی پی کو بتایا کہ مبینہ طور پر آلودگی کی سب سے بڑی وجہ بنی گالہ اور بہارہ کہو کے گردونواح کا غیر ٹریٹ شدہ میونسپل ایفلیونٹ ہے جبکہ اس کے علاوہ یہ کیپٹل ڈیولپمنٹ اتھارٹی (سی ڈی اے) کی ذمہ داری ہے کہ وہ گندے پانی کے صاف کرنے کے پلانٹ لگائے۔
Short Link: https://urdu.app.com.pk/urdu/?p=490428
