- Advertisement -
راولپنڈی۔20اگست (اے پی پی):پاکستان نے منگل کو زمین سے زمین پر مار کرنے والے بیلسٹک میزائل شاہین-ٹو کا کامیاب تجربہ کیا۔ اس کا مقصد فوجی دستوں کی تربیت، مختلف تکنیکی پہلوؤں کی تصدیق اور مختلف ذیلی نظاموں کی کارکردگی کا جائزہ لینا تھا۔
آئی ایس پی آر کے مطابق اس تجربے کا مشاہدہ اسٹریٹجک پلانز ڈویژن کے سینئر افسران، آرمی اسٹریٹجک فورسز کمانڈ کے افسران اور سٹریٹجک تنظیموں کے سائنسدانوں اور انجینئرز نے کیا۔ڈائریکٹر جنرل سٹریٹجک پلانز ڈویژن نے اس سنگ میل کو حاصل کرنے میں سائنسدانوں کی تکنیکی مہارت، لگن اور عزم کو سراہا۔صدر مملکت، وزیر اعظم ، چیئرمین جوائنٹ چیفس آف سٹاف کمیٹی اور سروسز چیفس نے اس کامیابی پر سائنسدانوں اور انجینئرز کو مبارکباد پیش کی۔
- Advertisement -
Short Link: https://urdu.app.com.pk/urdu/?p=495623
- Advertisement -
