صوبہ بھر میں مزید بارشوں بارے الرٹ جاری ، بارشوں کا نیا سپیل (کل) سے شروع ہو گا، ترجمان

لاہور۔24اگست (اے پی پی):بنجاب بھر میں مزید مون سون بارشوں بارے الرٹ جاری کر دیا گیا ، بارشوں کا نیا سپیلکل(25اگست سے) شروع ہو گا۔ ترجمان پی ڈی ایم اے کے مطابق29اگست تک پنجاب میں مون سون بارشوں کا امکان ہے جس کے باعث لاہور ، گوجرانوالہ، راولپنڈی ،سرگودھا، ملتان، ڈیرہ غازی خان، بہاولپور ، فیصل آباد، ساہیوال اور گجرات ڈویژنز میں بارشیں متوقع ہیں جبکہ ڈیرہ غازی خان، ملتان اور بہاولپور ڈویژن میں موسلا دھار بارشوں کے باعث فلیش فلڈنگ کا خطرہ ہے ،کوہ سلیمان و کیرتھر رینج میں شدید بارشوں کے باعث رودکوہیوں میں سیلابی ریلوں کا خدشہ ہے ۔

پی ڈی ایم اے کی جانب سے کمشنرز، ڈی سیز ،واسا، محکمہ آبپاشی، ریسکیو، سول ڈیفنس اور دیگر متعلقہ محکموں کو الرٹ رہنے کی ہدایات جاری کر دی گئی ہیں،مزیدموسمی صورتحال کے بارے صوبے بھر کی انتظامیہ کو بھی الرٹ جاری کر دیاگیا ہے۔ ڈی جی پی ڈی ایم اے نے کہا ہے کہ چہلم حضرت امام حسین کے موقع پر ممکنہ مون سون بارشوں کے پیش نظر انتظامیہ خصوصی اقدامات کرے ،خستہ حال چھتوں اور عمارتوں میں محافل کے انعقاد سے گریز کیا جائے۔

عرفان علی کاٹھیا نے کہا کہ پی ڈی ایم اے کنٹرول روم میں 24گھنٹے صورتحال کی مانیٹرنگ ہو رہی ہے،عوام سے اپیل ہے کہ حکومتی ہدایات پر عملدرآمد یقینی بنائیں،پرانی عمارتوں کھمبوں اور آسمانی بجلی کی گرج چمک سے بچائو کیلئے محفوظ مقامات پر رہیں، کسی بھی ہنگامی صورتحال میں پی ڈی ایم اے کی ہیلپ لائن 1129پر رابطہ کریں ۔

Short Link: https://urdu.app.com.pk/urdu/?p=496955