لیسکوکا ریجن بھر میں کھلی کچہریوں کا سلسلہ جاری،صارفین کا خیر مقدم

لاہور۔26اکتوبر (اے پی پی):لیسکو ریجن میں کھلی کچہریوں کا سلسلہ جاری ہے جس کا مقصد لیسکو صارفین کو بجلی بلوں اور دیگر معاملات میں درپیش مسائل کا فی الفور ازالہ کرنا ہے۔ ترجمان کے مطابق چیف ایگزیکٹو انجینئرشاہد حیدر نے کہا ہے کہ لیسکو کے آٹھوں سرکلز میں اس حوالے سے خصوصی کچہریاں لگائی جارہی ہیں، تمام ایس ڈی اوز اپنی ٹیم کے ہمراہ روزانہ کی بنیاد پر اپنی سب ڈویثرنز میں کھلی کچہریوں کاانعقاد یقینی بنا رہے ہیں،

ایس ایز اور ایکسیئن ان کچہریوں کا جائزہ لے رہے ہیں، کھلی کچہریوں میں مختلف نوعیت کی کل 1152شکایات موصول ہوئیں جن میں سے 1151شکایات کا موقع پر ازالہ کیا گیا۔ واضح رہے کہ چیف ایگزیکٹو لیسکو انجینئر شاہد حیدرخود بھی اپنی ٹیم کے ہمراہ کھلی کچہریوں کا اچانک دورہ کر رہے ہیں۔

Short Link: https://urdu.app.com.pk/urdu/?p=517232