لاہور۔24جنوری (اے پی پی):پنجاب سوشل سکیورٹی سے رجسٹرڈ ورکرز کے لئے خوشخبری،سوشل سکیورٹی ہسپتال شاہدرہ میں آنکھوں کے آپریشن کی سہولت کا دوبارہ آغاز کر دیا گیا ہے۔کمشنر سوشل سکیورٹی محمد علی کی خصوصی ہدایت پر دو سال بعد ہسپتال میں آپریشن کا آغاز کیا گیا ہے۔کمشنر سوشل سکیورٹی کو ہیڈآفس میں اجلاس کے دوران آپریشن کے حوالے سے کئے جانیو الے اقدامات بارے بریفنگ دی گئی۔
ہسپتال ایم ایس ڈاکٹر مظہر اعوان نے بریفنگ میں بتایا کہ ہفتہ کے تین روز آنکھوں کے مرض میں مبتلا مریضوں کے آپریشن کئے جائیں گے جبکہ رواں ہفتے آنکھوں کی 2 سرجریاں کی گئیں،آپریشن میں استعمال ہونے والے طبی آلات کو بھی اپ گریڈ کیا گیا ہے۔ انہوں نے بتایا کہ ہفتہ کے 6روز او پی ڈی کی سہولت بھی مہیا کی جارہی ہے۔کمشنر سوشل سکیورٹی نے ہسپتال ایم ایس و دیگر متعلقہ عملہ کی کارکردگی کو سراہتے ہوئے کہا کہ ورکرز اور ان کے اہل خانہ کو علاج ومعالجہ کی جدید سہولیات کی فراہمی ہماری اولین ترجیحی ہے، ایم ایسز ورکرز کو ایک چھت تلے تمام طبی سہولیات کی فراہمی کو یقینی بنائیں، ورکرز کے علاج و معالجہ میں کسی بھی قسم کی کوتاہی برداشت نہیں کی جائے گی۔
Short Link: https://urdu.app.com.pk/urdu/?p=551144
