سیالکوٹ۔30جنوری (اے پی پی):ڈسٹرکٹ پولیس آفیسر(ڈی پی او) سیالکوٹ فیصل شہزادکی زیر صدارت کانفرنس روم پولیس لائنز میں کرائم میٹنگ کا انعقاد کیا گیا۔ترجمان سیالکوٹ پولیس کے مطابق ڈی پی او نے میٹنگ کے دوران تھانوں کی انفرادی کارکردگی، اندراج مقدمات، 15 کالز، مقدمات کے اندراج میں دی گئی ٹائم لائنز پر عملدرآمد، اشتہاری و مطلوب ملزمان کی گرفتاری اور سنگین مقدمات سے متعلق پیش رفت کا جائزہ لیا۔
ڈی پی او سیالکوٹ نے تمام ایس ڈی پی اوز کو اپنے سرکلز میں جرائم پر قابو پانے، اشتہاریوں کو گرفتار کرنے اور زیر تفتیش مقدمات کو میرٹ کی بنیاد پر یکسو کرنے کے احکامات جاری کئے۔
اس موقع پر انہوں نے کہا ہے کہ میرٹ سے ہٹ کر کام کرنے والے پولیس افسران کے خلاف سخت ایکشن لیا جائے گا۔ میٹنگ میں ایس پی انویسٹی گیشن، ایس ڈی پی اوز، تمام ایس ایچ اوز اور انچارج برانچز نے شرکت کی۔
Short Link: https://urdu.app.com.pk/urdu/?p=553861
