لاہور۔8فروری (اے پی پی):منہاج ویلفیئر فائونڈیشن کے زیراہتمام سالانہ اجتماعی شادیوں کی تقریب 17فروری بروزسوموارگجرات میں منعقد ہوگی جس میں15بیٹیوں کے نکاح مسنونہ اور رخصتی کا انتظام کیا جائے گا۔ تقریب میں ملک کی اہم سیاسی،سماجی ومذہبی شخصیات خصوصی شرکت کریں گی۔اس حوالے سے ڈپٹی ڈائریکٹر منہاج ویلفیئر فائونڈیشن اشتیاق حنیف مغلکی جانب سے جاری بیان میں کہا گیا ہے کہ اس مشکل دور میں غریب خاندانوں کے لیے بیٹی کی شادی ایک خواب بنتا جا رہا ہے، والدین شادی کی عمر کو پہنچنے کے باوجود اپنی بیٹیوں کی شادی کی استطاعت نہیں رکھتے۔
انہوں نے کہا منہاج ویلفیئر فائونڈیشن ملک بھر میں سالانہ سینکڑوں تقریبات کا انعقاد کرکے ہزاروں یتیم اور مستحق بیٹیوں کی باعزت رخصتی کا اہتمام کرتی ہے۔ شادی ہالز میں باراتوں کا استقبال، دلہا اور دلہن کے ہمراہ آنے والے مہمانوں کی بہترین کھانوں سے تواضع اور نئی زندگی کا آغاز کرنے والے جوڑوں کو ضروریات زندگی پر مشتمل قیمتی برائیڈل گفٹ بھی دیئے جاتے ہیں۔انہوں نے کہاکہ رواںسال ایک برائیڈل گفٹ کی قیمت تقریبا پانچ لاکھ روپے ہے۔
Short Link: https://urdu.app.com.pk/urdu/?p=557420
