آئندہ چوبیس گھنٹوں کے دوران بالائی خیبر پختونخوا، گلگت بلتستان، کشمیر اور ملحقہ پہاڑی علاقوں میں مطلع ابر آلود رہنے ، چند مقامات پر ہلکی بارش/ برف باری کا امکان

اسلام آباد۔11فروری (اے پی پی):آئندہ چوبیس گھنٹوں کے دوران بالائی خیبر پختونخوا، گلگت بلتستان، کشمیر اور ملحقہ پہاڑی علاقوں میں مطلع ابر آلود رہنے کے علاوہ چند مقامات پر ہلکی بارش/ہلکی برف باری کی توقع ہے۔

محکمہ موسمیات کے مطابق آئندہ چوبیس گھنٹوں کے دوران ملک کے بیشتر علاقوں میں موسم سرد اور خشک رہنے کا امکان ہے۔ رپورٹ کے مطابق گزشتہ 24 گھنٹوں کے دوران ملک کے بیشتر علاقوں میں موسم سرد اور خشک رہا تاہم بالائی خیبر پختونخوا، گلگت بلتستان اور کشمیر میں بارش اور برف باری جبکہ اسلام آباد اور خطہ پوٹھوہار میں بھی چند مقامات پر ہلکی بارش/بوندا باندی ہوئی۔

اس دوران سب سے زیادہ بارش دیر میں (بالائی 15، زیریں ایک)، کالام ، میرکھانی 12، دروش 7، بالاکوٹ 6، مالم جبہ، پٹن 4، چترال، کاکول ایک، مری، منگلا 3، اسلام آباد (ایئرپورٹ ایک)، استور 2، بگروٹ ایک، مظفر آباد (ایئرپورٹ، سٹی 2) اور گڑھی دوپٹہ میں بھی ایک ملی میٹر بارش ریکارڈ کی گئی۔

گزشتہ چوبیس گھنٹوں کے دوران کالام میں 5، استور 2 اور مالم جبہ ایک انچ برف باری ریکارڈ کی گئی ہے۔منگل کو ریکارڈ کئے گئے کم سے کم درجہ حرارت کے اعدادوشمار کے مطابق لہہ میں درجہ حرارت منفی 7، گوپس منفی 5، پاراچنار منفی 4، بگروٹ منفی 3، مالم جبہ اور زیارت میں منفی 2 ڈگری سینٹی گریڈ ریکارڈ کیا گیا ہے۔

Short Link: https://urdu.app.com.pk/urdu/?p=559304