راولپنڈی میں بارش ، واسا کا عملہ ہائی الرٹ رہا

راولپنڈی۔ 20 فروری (اے پی پی):راولپنڈی میں جمعرات کی صبح وقفے وقفے سے بارش کا سلسلہ جاری رہا اور اس دوران واسا راولپنڈی ہائی الرٹ رہا ،واسا کا سٹاف ہیوی مشینری کے ساتھ فیلڈ میں موجو رہا۔شہر میں مجموعی طور پر 40 ملی میٹر سے زائد بارش ریکارڈ کی جا چکی ہے جس میں گولڑہ کے مقام 58 ملی میٹر، بوکڑہ 36 ملی میٹر، پی ایم ڈی 28 ملی میٹر، شمس آباد 21 ملی میٹر اور کچہری کے مقام پر 20 ملی میٹر بارش ریکارڈ کی گئی۔

ترجمان واسا کے مطابق نشیبی علاقوں میں واسا کی ٹیمیں ہیوی مشینری کی مدد سے نکاسی آب کیلئے تعینات ہیں تاہم کسی بھی مقام پرپانی کے کھڑے ہونے کی اطلاع نہیں ہے۔نالہ لئی اور شہر بھر کے نالوں پانی کا بہاؤ معمول کے مطابق ہے۔

ترجمان واسا کے مطابق جڑواں شہروں گزشتہ پانچ ماہ میں پہلی بارش ہوئی ہے جس سے جاری خشک سالی کے خاتمے میں مدد ملے گی۔ بارش کے بعد راول ڈیم اور خان پور ڈیم میں پانی کے ذخیرے میں اضافہ ہوگا جس سے پینے کے پانی کی ضروریات کو پورا کرنے میں مدد ملے گی۔

Short Link: https://urdu.app.com.pk/urdu/?p=563974