- Advertisement -
پشاور۔ 23 فروری (اے پی پی):وفاقی وزیر امور کشمیر و صدر مسلم لیگ (ن) خیبر پختونخوا انجنیئر امیر مقام نے کہا ہے کہ پشاور کے ارباب نیاز سٹیڈیم کے نام پر قومی مجرم کا نام رکھنا کسی صورت درست اقدام نہیں۔ اپنے ایک بیان میں وفاقی وزیر و صدر پاکستان مسلم لیگ (ن) خیبر پختونخوا انجینئر امیر مقام نے کہا کہ تاریخی مقامات سے نام ہٹانا تحریک انصاف کا وطیرہ بن چکا ہے، اس سے پہلے سوات میں نوازشریف کڈنی سینٹر کا نام بھی تبدیل کر دیا گیا تھا۔
وفاقی وزیر نے کہا کہ صوبائی حکومت دوسروں کے کاموں پر اپنی تختیاں لگا کر جرم کی مرتکب ہو رہی ہے۔ انہوں نے کہا کہ عوام بانی پی ٹی آئی کا نام سننے کے لئے تیار نہیں اور صوبائی حکومت تاریخی مقامات ان کے نام سے منسوب کروا رہی ہے۔
- Advertisement -
Short Link: https://urdu.app.com.pk/urdu/?p=565036
- Advertisement -
