لاہور۔6مارچ (اے پی پی):لائیو سٹاک کارڈ کی فارمرز کو بروقت ڈیلیوری کے حوالے سے کسی قسم کی کوتاہی برداشت نہیں کی جائے گی۔تمام ڈویژنز میں تعینات ڈائریکٹرز کو روزانہ کی بنیاد پر بذات خود لائیو سٹاک کارڈ ڈلیوری سنٹرز کے دورے کرنے کے احکامات جاری کئے۔ایسے فارمرز جن کے کارڈز سنٹرز پر پہنچ گئے ہیں اور وہ کارڈ وصولی کے لیے نہیں آرہے ہیں ان سے رابطہ کیا جائے۔
ان خیالات کا اظہارصوبائی وزیر لائیو سٹاک و زراعت سیدعاشق حسین کرمانی نے لائیو سٹاک ڈیپارٹمنٹ میں اہم اجلاس کی صدارت کرتے ہوئے کیا۔اجلاس میں وزیر اعلی پنجاب لائیو سٹاک کارڈ ،جنوبی پنجاب کی دیہی بیوہ و مطلقہ خواتین میں لائیو سٹاک اثاثہ جات کی تقسیم اور دوسرے منصوبوں پر پیش رفت کے علاوہ جانوروں میں منہ کھر بیماری کو کنٹرول کرنے کے لیے محکمانہ حکمت عملی و اقدامات کا جائزہ لیاگیا ۔سیکرٹری لائیو سٹاک پنجاب ثاقب علی عطیل نے شرکت کی۔
اس موقع پرگفتگو کرتے ہوئے صوبائی وزیر سید عاشق حسین کرمانی نے کہا کہ وزیر اعلی مریم نواز شریف کی قیادت میں پنجاب حکومت نے لائیو سٹاک سیکٹر کی ترقی کے لیے متعدد منصوبوں کا آغاز کیا ہے جس کے مثبت نتائج سامنے آنا شروع ہو گئے ہیں۔ اب تک 13ہزار 451کارڈ کسانوں نے وصول کر لیے ہیں۔جبکہ 10ہزار 990کسانوں کے 77ہزار 627 نر بچھڑے/کٹٹرے کو ٹیگیڈ کیا گیا ہے اور پی اے آئی ٹی ایس(پیٹس)نے قرض کے لیے منظور کر لیا ہے۔انھوں نے مزید کہا کہ لائیو سٹاک ڈیپارٹمنٹ مویشی پال فارمرز کو لائیو سٹاک کارڈ کے آنے والے تمام مراحل ٹیگنگ،ویکسینشن اور ان سیمنیشن کے بارے میں آگاہ کرنے گا تاکہ مویشی پال کسانوں کو اس حوالے سے کسی قسم کی دشواری نہ ہو۔
انھوں نے مزید کہا کہ جانوروں کی واقعی تعداد اور ٹیگنگ سٹٹس جاننے کے لیے اربن یونٹ کی جانب سے ریورفیکیشن سروے جاری ہے۔ عاشق حسین کرمانی نے کہا کہ جنوبی پنجاب کے 12اضلاع کی 55 سال تک عمر کی دیہی خواتین کو دو سالوں میں تقریبا 11ہزار جانور(جھوٹیاں/ویہٹریاں)تقسیم کی جائیں گی۔ انھوں نے کہا کہ پنجاب کے 5اضلاع بہاولنگر،ملتان،خانیوال،لودھراں اور راجن پور میں اب تک 2041انیملیز بیوہ و مطلقہ خواتین میں تقسیم کئے جا چکے ہیں اور ان کو بنک آف پنجاب کی جانب سے کارڈ بھی ڈلیور ہو گئے ہیں۔
صوبائی وزیر لائیو سٹاک نے مزید کہا کہ جانوروں میں منہ کھر بیماری کو کنٹرول کرنے کے لیے جلد حکمت عملی وضع کی جائے۔انھوں نے منہ کھر بیماری کے نقصانات کو کم کرنے کے لیے ویکسین کی پیداواری صلاحیت کو مزید بہتر بنانے کی ہدایت کی۔صوبائی وزیر لائیو سٹاک و زراعت نے ڈویژنل ڈائریکٹرز کو ان علاقوں میں جہاں پر اس بیماری نے سر اٹھایا ہے وہاں پر دو سو رنگ ویکسینیشن کرنے کی ضرورت ہے،انھوں نے کہا کہ ہم سب ایک ٹیم کا حصہ ہیں۔
انھوں نے ڈویژنل ڈائریکٹرز کو فیمیل انیلیمیز کی غیر قانونی قربانی روکنے،جانوروں کی ریگولر رپورٹنگ اور محکمہ کی زمینوں پر غیر قانونی قبضہ و تجاوزات واگزار کرانے کے لیے اپنا موثر کردار ادا کرنے کے احکامات جاری کئے۔ناقص کارکردگی کا مظاہرہ کرنے والوں آفیسران کی محکمہ میں کوئی جگہ نہیں ہے اور ان کے خلاف ایکشن ہو گا۔ اجلاس میں سپیشل سیکرٹری لائیو سٹاک جنوبی پنجاب اصفر، ایڈیشنل سیکرٹری لائیو سٹاک عثمان طاہر، ڈائریکٹر جنرلز توسیع،پروڈکشن،ریسرچ(لائیو سٹاک)،بینک آف پنجاب ،پی آئی ٹی بی اوراربن یونٹ کے نمائندگان نے بھی شرکت کی۔
Short Link: https://urdu.app.com.pk/urdu/?p=569445
