کیلیفورنیا۔10مارچ (اے پی پی):پولینڈ کی نامور ٹینس سٹار، سابق عالمی نمبر ون اور ایونٹ کی سیکنڈ سیڈڈ آئیگا سویٹیک ڈبلیوٹی اے انڈین ویلز اوپن ٹینس ٹورنامنٹ میں خواتین کے سنگلز مقابلوں کے پری کوارٹر فائنل رائونڈ میں پہنچ گئیں ۔
23 سالہ پولینڈ کی ٹینس کھلاڑی آئیگا سویٹیک نے خواتین کے سنگلز مقابلوں کے تیسرے میچ میں 24 سالہ یوکرین کی حریف ٹینس کھلاڑی ڈیانا اولیکسنڈریونا یاسٹریمسکا کو شکست دے کر نہ صرف ڈبلیو ٹی اے ایونٹ سے باہر کر دیا بلکہ ٹاپ 16 رائونڈ کے لئے بھی کوالیفائی کرلیا ۔
ڈبلیو ٹی اے کے زیراہتمام ویمنز ٹینس ٹورنامنٹ کے دلچسپ اور سنسنی خیز مقابلے امریکا کی ریاست کیلیفورنیا میں جاری ہیں۔ ٹورنامنٹ میں خواتین کے سنگلز مقابلوں کے تیسرے رائونڈ میچ میں 23 سالہ پولینڈ کی نامور ٹینس سٹار، سابق عالمی نمبر ون اور ایونٹ کی سیکنڈ سیڈڈ آئیگا سویٹیک نے انتہائی شاندار کارکردگی کا مظاہرہ کرتے ہوئے یوکرین کی حریف ٹینس کھلاڑی ڈیانا اولیکسنڈریونا یاسٹریمسکاکو سٹریٹ سیٹس میں0-6 اور 2-6سے شکست دے کر ایونٹ کے پری کوارٹر فائنل رائونڈ کے لئے کوالیفائی کرلیا ، جہاں ان کا مقابلہ جمہوریہ چیک کی حریف ٹینس سٹار کیرولینا موچووا سے ہوگا۔\
Short Link: https://urdu.app.com.pk/urdu/?p=570665
