کوئٹہ۔ 10 مارچ (اے پی پی):علاقائی نظامت قومی بچت کوئٹہ کے زیراہتمام 40,000/- روپے مالیت کے پریمیئم انعامی بانڈز (رجسٹرڈ) کی 32 ویں قرعہ اندازی اسٹیٹ بینک آف پاکستان کوئٹہ کی عمارت میں 10-03-2025ء کو عباس رضا، اکائونٹ آفیسر (ریٹائرڈ) اکائونٹنٹ جنرل گورنمنٹ آف بلوچستان کوئٹہ کی زیرصدارت منعقد ہوئی۔ علی مدنی ڈپٹی چیف منیجر اسٹیٹ بینک آف پاکستان کوئٹہ ، راشد انجم اسٹنٹ ڈائریکٹر (انچارج) ریجنل ڈائریکٹوریٹ آف نیشنل سیونگز کوئٹہ، سلیم شیخ (ڈائریکٹر) زونل انسپکشن اینڈ آڈٹ نیشنل سیونگز کراچی زینب خان، اسسٹنٹ چیف منیجر اسٹیٹ بینک آف پاکستان ، جانان خان اچکزئی ایگزیکٹو ممبر چیمبر آف کامرس اینڈ ٹریڈ کوئٹہ اور غلام سرور شاہ سینئر ممبر چیمبر آف کامرس اینڈ ٹریڈ کوئٹہ نے بطور ممبران قرعہ اندازی میں شرکت کی۔ انعامی بانڈز کی قرعہ اندازی کے لئے ادارہ برائے خصوصی تعلیم کے بچوں کی خدمات حاصل کی گئیں ۔ علاوہ ازیں عوام الناس نے بڑی تعداد میں شرکت کی۔
Short Link: https://urdu.app.com.pk/urdu/?p=570891
