کیلیفورنیا۔12مارچ (اے پی پی):ڈنمارک کے ٹینس سٹار ہولگر رونے اور نیدرلینڈز کے ٹینس کھلاڑی ٹیلون گریکسپوراپنی عمدہ کارکردگی کی بدولت اے ٹی پی انڈین ویلز اوپن ٹینس ٹورنامنٹ میں مردوں کے سنگلز مقابلوں کے کوارٹر فائنل رائونڈ میں پہنچ گئے جبکہ یونان کے نامور ٹینس سٹار سٹیفانوس سیٹسیپاس مردوں کے سنگلز مقابلوں کے پری کوارٹر فائنل راؤنڈ میں شکست کے بعد ایونٹ سے باہر گئے ۔
امریکا کی مشہور ریاست کیلیفورنیا کے انڈین ویلز ٹینس گارڈن میں جاری اے ٹی پی ایونٹ میں سنسنی خیز مقابلے جاری ہیں۔ بدھ کو کھیلے گئے مردوں کے سنگلز مقابلوں کے پری کوارٹر فائنل رائونڈ میں 21 سالہ ڈنمارک کے ٹینس سٹار ہولگر رونے نے انتہائی شاندار کارکردگی کا مظاہرہ کرتے ہوئے حریف یونان کے نامور ٹینس سٹار سٹیفانوس سیٹسیپاس کو سٹریٹ سیٹس میں 4-6 اور 4-6 سے شکست دے کر ایونٹ کے کوارٹر فائنل رائونڈ کے لئے کوالیفائی کرلیا۔
ایک اور میچ میں نیدرلینڈز کے28 سالہ ٹینس کھلاڑی ٹیلون گریکسپورنے عمدہ کھیل پیش کرتے ہوئے حریف جاپانی کھلاڑی یوسوکے وتانوکی کو ٹائی بریک پر سٹریٹ سیٹس میں 6-7(4-7) اور 1-6 سے مات دے کر نہ صرف چوتھی رکاوٹ عبور کرلی بلکہ کوارٹر فائنل کے لئے بھی کوالیفائی کرلیا۔
Short Link: https://urdu.app.com.pk/urdu/?p=571356
