کینیڈا میں منعقدہ بین الاقوامی تجارتی نمائش میں شرکت کے لئے درخواستیں 4 اپریل تک طلب

اسلام آباد۔19مارچ (اے پی پی):ٹریڈ ڈویلپمنٹ اتھارٹی پاکستان (ٹی ڈی اے پی)نے کہا ہے کہ کینیڈا میں منعقد ہونے والی بین الاقوامی تجارتی نمائش ’’پاکستان فٹ بال شو 2025‘‘ میں شرکت کے لئے 4 اپریل تک درخواستیں جمع کروائی جا سکتی ہیں ۔ٹی ڈی اے پی کی جانب سے جاری تفصیلات کے مطابق نمائش کینیڈا میں 15 جون سے 18 جون تک جاری رہے گی جس میں فٹ بال سے وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے۔نمائش کے حوالے سے مزید تفصیلات اتھارٹی کی ویب سائٹ سے حاصل کی جا سکتی ہیں۔

Short Link: https://urdu.app.com.pk/urdu/?p=574233