لاہور۔27مارچ (اے پی پی):لاہور پولیس کی جانب سے رواں سال ون ویلرز کے خلاف مختلف کارروائیوں کے دوران 542 افراد کو گرفتار کرکے 460مقدمات کا اندرج کیا گیا ہے۔یہ بات ترجمان لاہورپولیس نے جاری بیان میں کہی۔سی سی پی او لاہور بلال صدیق کمیانہ نے ریسنگ اور ون ویلنگ کرنے والوں کے خلاف زیرو ٹالرنس پالیسی اپنانے کی ہدایات جاری کرتے ہوئے کہا ہے کہ ریسنگ اورو ن ویلنگ کے تدارک کےلئے خصوصی ناکے لگائے گئے ہیں۔
انہوں نے کہا کہ امن و امان کی فضا برقرار رکھنے کے لئے پولیس کے خصوصی سکواڈ تشکیل دئیے گئے ہیں۔انہوں نے کہا کہ موٹر سائیکلوں کی آلٹریشن کرنے والے مکینیکس کے خلاف کارروائی یقینی بنائی جائے۔ سی سی پی او لاہور نے کہا کہ شہری قانون کے احترام کو اپنا شعار بنائیں، کسی بھی غیر قانونی اور غیر اخلاقی سرگرمی سے گریز کریں۔انہوں نے کہا کہ نوجوان ون ویلنگ،بائیکس کی آلٹریشن سے اجتناب کریںبصورت دیگر قانونی کارروائی کی جائے گی۔انہوں نے مزید کہا کہ شہری ون ویلنگ اور ریسنگ کی اطلاع 15 پر دیں۔
Short Link: https://urdu.app.com.pk/urdu/?p=576744
