اسلام آباد۔2اپریل (اے پی پی):عیدالفطرکے موقع پر ٹریفک پولیس افسران نے وفاقی دارلحکومت میں ون ویلنگ اور موٹر سائیکل ریسنگ کے انسداد کو یقینی بنایا،ون ویلنگ اور ہلڑ بازی میں ملوث موٹر سائیکل سواروں کے خلاف کریک ڈاؤن کرتے ہوئے درجنوں موٹر سائیکلوں کو مختلف تھانہ جات میں بند کیا، عید کے ایام میں عوامی مقامات اور شاہراؤں پر ٹریفک کی روانی کو برقرار رکھا گیا۔
بدھ کوجاری پریس ریلیز کے مطابق انسپکٹر جنرل آف پولیس اسلام آباد سید علی ناصر رضوی کے خصوصی احکامات کی روشنی میں چیف ٹریفک آفیسر اسلام آباد کیپٹن (ر) سید ذیشان حیدر کی زیر نگرانی اسلام آباد ٹریفک پولیس نے عید الفطر کے موقع پر شاہراؤں پر ٹریفک کی روانی کو برقرار رکھنے اور شہریوں کو حادثات سے محفوظ رکھنے کے لئے موثر پلان ترتیب دیا، عیدا لفطر کے ایام میں عوامی مقامات پر ٹریفک کے موثر انتظامات کو یقینی بنانے کے ساتھ شاہراؤں پر ون ویلنگ اور ہلڑ بازی میں ملوث موٹر سائیکل سواروں کے خلاف بلا تفریق کریک ڈاؤں عمل میں لایا گیا، اس سلسلے میں 958 موٹرسائیکل سواروں کیخلاف قانونی کارروائیاں عمل میں لائیں گئیں جو ون ویلنگ،ہلڑبازی اور دیگر ٹریفک قوانین کی خلاف ورزی میں شامل تھے
اسی طرح سنگین خلاف ورزیوں پر231 موٹرسائیکلز کو مختلف تھانہ جات میں بند بھی کیا گیا،سی ٹی او اسلام آباد کیپٹن (ر) سید ذیشان حیدر نے کہا کہ ٹریفک پولیس کے موثر انتظامات کی بدولت وفاقی دارلحکومت میں ون ویلنگ،ریسنگ اور موٹر سائیکل حادثہ کا کوئی بھی واقع رونما نہیں ہوا،انہوں نے مزید کہا کہ عید الفطر کے ایام میں اسلام آباد پولیس کی کاوشوں اور فرائض کی ادائیگی کو معاشرے کے تمام طبقات اور شہریوں نے مختلف فورمز پر سراہا ہے،
مزید عوامی مقامات پر ڈیوٹی پر مامور پولیس افسران اور شاہراؤں پر ٹریفک کی مو ثر روانی کو بھی شہریوں نے قابِل تحسین قرار دیا،انہوں نے مزید کہا کہ اسلام آباد ٹرریفک پولیس کے 500سے زیادہ افسران شہریوں کی سہولت اور وفاقی دارالحکومت میں ٹریفک کی مربوط روانی کو برقرار رکھنے کیلئے شاہراہوں پر موجود ہیں جس کی وجہ سے اسلام آباد کی مرکزی شاہراہوں پر ٹریفک معمول کے مطابق رواں دواں ہے ہم سڑکوں پر موجود ہیں تاکہ آپ پرامن عید گزار سکیں۔
Short Link: https://urdu.app.com.pk/urdu/?p=577990
