لاہور۔22اپریل (اے پی پی):وزیراعلی پنجاب مریم نواز سے سابق نگران وزیراعظم انوار الحق کاکڑ نے ملاقات کی۔ وزیر اعلی نے سابق نگران وزیراعظم انوار الحق کاکڑ کا خیر مقدم کیا۔ ملاقات میں باہمی دلچسپی کے امور پر تبادلہ خیال ،ملکی صورتحال، قیام امن اور صوبائی ترقیاتی پراجیکٹس بارے بات چیت کی گئی۔ سابق نگران وزیراعظم انوار الحق کاکڑ نے وزیر اعلی پنجاب کے ویژن کو سراہا۔
وزیراعلی نے گفتگو کرتے ہوئے کہا کہ پنجاب میں نوجوانوں کو تعلیم، آئی ٹی ٹریننگ، انٹرنشپس اور روزگار کی سہولتوں کے ذریعے بااختیار بنا یا جا رہا ہے،صحت کا شعبہ اور قیام امن پہلی ترجیحات میں شامل ہے۔ انوارالحق کاکڑ نے پنجاب میں شعبہ صحت میں جاری اصلاحات کو بھی سراہتے ہوے کہا کہ وزیر اعلی پنجاب نے صحت اور تعلیم کے شعبہ میں انقلابی پراجیکٹس متعارف کرائے ہیں۔ وزیر اعلی پاکستان میں ویمن ایمپاورمنٹ کی زندہ مثال ہیں۔
Short Link: https://urdu.app.com.pk/urdu/?p=586013
