پنجاب پولیس نے 24 گھنٹوں میں 18 گینگز کے42 کارندے گرفتار کر لئے

لاہور۔22اپریل (اے پی پی):پنجاب پولیس جرائم پیشہ عناصر کے خلاف کارروائیوں میں مصروف عمل ہے۔ ترجمان کے مطابق پنجاب پولیس نے 24 گھنٹوں میں 18 گینگز کے42 کارندے گرفتار کر کے ملزمان کے قبضے سے کلاشنکوف، پسٹلز، رائفلز، ریوالورز، بندوقوں سمیت 114 ہتھیار اور سینکڑوں کی تعداد میں گولیاں برآمد کیں ،اس کے علاوہ59 موٹر سائیکلیں، 05گاڑیاں، 33 موبائل فونز،08 تولے سونا اور60 لاکھ روپے نقدی بھی برآمد کیں۔

ترجمان نے بتایا کہ 263 اشتہاری، 70 عدالتی مفرور اور56 عادی مجرم بھی گرفتار کئے گئے۔جرائم پیشہ عناصر کے خلاف کارروائیوں میں 11 ڈاکو کیفر کردار کو پہنچے۔ آئی جی پنجاب ڈاکٹر عثمان انور نے افسران کو ہدایت دیتے ہوئے کہا کہ جرائم پیشہ افراد کے خلاف آپریشنز جاری رکھیں۔

Short Link: https://urdu.app.com.pk/urdu/?p=586081