کوئٹہ۔ 28 اپریل (اے پی پی):پاکستان پیپلز پارٹی کے رکن قومی اسمبلی نوابزادہ جمال خان رئیسانی نے کہاہے کہ نوجوان نسل ہی بلوچستان کا روشن مستقبل ہے اس لیے ناگزیز ہے کہ نوجوانوں کو دل سےلگاکرہی ترقی او امن کا خواب شرمندہ تعبیر کیا جائے،آئندہ وفاقی و صوبائی بجٹ میں نوجوانوں کیلیے نئےمنصوبوں کی تجاویز پیش کرینگے یہ بات انھوں نےاپنی رہائش گاہ ساراوان ہاؤس کویٹہ میں پاکستان پیپلز پارٹی کے رہنما سردارربنوازکرد اورسید عدیل شاہ کی قیادت میں ملنے والے وفد سے گفتگو کرتے ہوئے کہی۔
ملاقات میں یوتھ پالیسی ،نوجوانوں کی فلاح سے متعلق منصوبوں، ترقیاتی منصوبوں اور سیاسی صورتحال پر تبادلہ خیال کیا گیا۔پاکستان پیپلز پارٹی کے رکن قومی اسمبلی نوابزادہ جمال خان رئیسانی نے کہا کہ بلوچستان کےنوجوانوں کومواقع فراہم کیے بغیر ترقی بےمعنی ہے،آئندہ وفاقی و صوبائی بجٹ میں نوجوانوں کیلیے نئےمنصوبوں کی تجاویز پیش کرینگے ،نوابزادہ جمال خان رئیسانی نے کہا کہ نوجوانوں کیلیے نئے منصوبوں کا آغاز کوئٹہ سے کریں گے اور بلوچستان کے نوجوانوں کے لیے پرامن خوشحال مستقبل کو یقینی بنانے ان کوآن بورڈ لیکر اہم منصوبے تجویز کیے جائیں گے ۔
Short Link: https://urdu.app.com.pk/urdu/?p=588808
