لاہور۔4مئی (اے پی پی):محکمہ موسمیات نے پیشگوئی کی ہے کہ آئندہ چوبیس گھنٹوں کے دوران صوبائی دارالحکومت لاہور سمیت پنجاب کے بیشتر علاقوں میں مطلع جزوی طور پر ابر آلود رہنے کے سا تھ با رش کا امکان ہے۔ترجمان محکمہ موسمیات کے مطابق لا ہور، گوجرانوالا، حافظ آباد، سیالکوٹ، نارووال، گجرات، منڈی بہائوالدین، سرگودھا، خوشاب، میانوالی، بھکر، قصور، شیخوپورہ، فیصل آباد، جھنگ، ٹوبہ ٹیک سنگھ ساہیوال، اوکاڑہ، ملتان، تونسہ، کوٹ ادو، ڈیرہ غازی خان، راجن پور، لیہ، بہاولپور، بہاولنگر، رحیم یار خان اور گردونواح میں تیز ہوائوں/آندھی اور گرج چمک کے ساتھ بارش کا امکان ہے،
اس دوران چند مقامات پر ژالہ باری/موسلا دھار بارش کی بھی توقع ہے۔ ترجمان کے مطابق گزشتہ چوبیس گھنٹوں کے دوران پنجاب کے بیشتر علا قوں میں مطلع جزوی طور پر ابر آلود رہنے کے علاوہ تیز ہوائوں/آندھی اور گرج چمک کے ساتھ بارش جبکہ چند مقامات پر ژالہ باری بھی ہو ئی ہے۔
لاہور میں کم سے کم درجہ حرارت 22اور زیادہ سے زیادہ29سینٹی گریڈ ریکارڈ کیا گیا جبکہ ہوا میں نمی کا تناسب 65 فیصدرہا۔لا ہور میں آلودگی کی مجموعی شرح 177فیصد رہی جبکہ شہر کے مختلف علاقوں میں ایئر کولٹی انڈیکس غازی روڈ پر112،یو ایم ٹی 110، یا نی ہو م110،شاہراہ قائد اعظم 69،عسکری ٹین 86اور لاہور امریکن سکول پر 107ایئر کوالٹی انڈیکس ریکارڈ کیا گیا۔
Short Link: https://urdu.app.com.pk/urdu/?p=592251
