ایبٹ آباد۔ 05 مئی (اے پی پی):ڈسٹرکٹ ایمرجنسی آفیسر ایبٹ آباد جان محمد آفریدی نے ہفتہ وار کارکردگی رپورٹ جاری کر دی۔ ترجمان ریسکیو 1122ایبٹ آباد کے مطابق ریسکیو 1122 ایبٹ آباد کنٹرول روم کو گزشتہ ہفتے 7149 کالز موصول ہوئیں جن میں سے 134 ایمرجنسی کالز تھیں جس کے نتیجے میں117 متاثرہ افراد کو ریسکیو کیا گیا.
ریسکیو اہلکاروں نے گزشتہ ہفتے 13 ٹریفک حادثات، 93 میڈیکل ایمرجنسیز، 13 آگ لگنے کے واقعات جبکہ 10 متفرق (ریکوری) ایمرجنسیز میں خدمات سر انجام دیں۔ ریفرل ایمرجنسی کے تحت 35 مریضوں کو بہتر طبی سہولتوں کے حصول کے لیے مختلف ہسپتالوں میں منتقل کیا گیا۔ ڈسٹرکٹ ایمرجنسی آفیسر جان محمد آفریدی نے ریسکیو اہلکاروں کی کارکردگی کو سراہا اور احکامات جاری کئے کہ عوم کو کسی بھی ایمرجنسی میں بروقت ریسکیو سروس فراہم کریں۔
Short Link: https://urdu.app.com.pk/urdu/?p=592663
