اسلام آباد۔10مئی (اے پی پی):وزیراعظم محمد شہباز شریف نے سربراہ عوامی نیشنل پارٹی ایمل ولی خان اور رہنما استحکام پاکستان پارٹی و وفاقی وزیر عبدالعلیم خان سے ٹیلی فون پر گفتگو کی اور خطے کی موجودہ صورتحال پر ان کو اعتماد میں لیا۔
ہفتہ کو وزیراعظم آفس کےمیڈیا ونگ سے جاری بیان کے مطابق وزیراعظم نے بھارتی جارحیت پر پاکستان کی جانب سے آپریشن بنیان المرصوص کی صورت میں جوابی کارروائی کی حمایت پر ایمل ولی خان اور عبدالعلیم خان سے اظہار تشکر کیا۔دونوں رہنمائوں نے حالیہ کشیدگی میں ملک و قوم کی مثالی قیادت کرنے پر وزیراعظم کو خراج تحسین پیش کیا۔
ایمل ولی خان اور عبدالعلیم خان نے بھارت کو بھرپور جواب دینے پر پاکستانی فوج کی پیشہ ورانہ مہارت اور عزم کو سلام کیا۔ اس موقع پر رہنمائوں نے وزیراعظم سےگفتگو کرتےہوئےکہا کہ وطن عزیر کے دفاع کیلئے پوری قوم اپنی بہادر افواج پاکستان کے شانہ بشانہ کھڑی ہے۔
Short Link: https://urdu.app.com.pk/urdu/?p=595294
