کوئٹہ۔ 12 مئی (اے پی پی):وزیر اعلی بلوچستان میر سرفراز بگٹی سے پیر کے روز شہید لیویز اہلکار حق نواز کے والد لعل محمد اور دیگر لواحقین نے وزیراعلیٰ سیکرٹریٹ میں ملاقات کی۔ وزیر اعلی بلوچستان نے اس موقع پر شہید اہلکار کے والد کو معاوضے کا چیک اور شہید کے بیٹے عبدالسلام کی تقرری کے احکامات حوالے کیے ۔
یاد رہے کہ شہید لیویز اہلکار حق نواز کو 2 مئی 2025 کو تحصیل منگچر کے علاقے کوٹ لانگو کے قریب مسلح موٹر سائیکل سوار دہشت گردوں نے فائرنگ کر کے شہید کر دیا تھا ۔ وزیر اعلی میر سرفراز بگٹی نے شہید کے اہل خانہ سے تعزیت کا اظہار کرتے ہوئے شہید کے درجات کی بلندی اور پسماندگان کے صبر جمیل کے لیے دعا بھی کی ۔ انہوں نے کہا کہ قوم اپنے شہدا کی قربانیوں کو کبھی فراموش نہیں کرے گی اور حکومت شہدا کے اہل خانہ کی ہر ممکن معاونت جاری رکھے گی۔
Short Link: https://urdu.app.com.pk/urdu/?p=596155
