لاہور۔12مئی (اے پی پی):ڈی جی ایل ڈی اے طاہر فاروق کی ہدایات پر ایل ڈی اے ٹائون پلاننگ ونگ غیرقانونی کمرشل عمارتوں، کمرشل فیس نادہندگان املاک کے خلاف متحرک ہے۔ ایل ڈی اے ٹیموں نے گزشتہ روز مختلف سکیموں اور ایل ڈی اے کنٹرولڈ ایریا میں آپریشن کرکے102املاک سربمہرکر دیں۔
ٹیموں نے گلبرگ، فیصل ٹائون، شادمان، گلشن راوی، شاہ جمال، کینال روڈ،وحد ت روڈ، سبزہ زار میں کارروائیاں کیں۔غیرقانونی کمرشل استعمال، کمرشل فیس کی عدم ادائیگی پرگلبرگ،فیصل ٹائون میں 30شادمان، گلشن راوی،کینال روڈ، شاہ جمال میں 43املاک سربمہر کردیں۔ ٹیموں نے ریکوری آپریشن کے دوران وحدت روڈ اور سبزہ زار میں 29 املاک سیل کر دیں۔
سیل کی گئی املاک میں نجی سکول،فوڈ پوائنٹ،ورکشاپ، دکانیں، دفاتر ودیگر شامل ہیں۔ آپریشن چیف ٹائون پلانر ون اسد الزمان کی زیر نگرانی کیا گیا۔ڈی جی ایل ڈی اے کی ہدایت پرغیرقانونی کمرشل عمارتوں، کمرشل فیس نادہندگان املاک کے خلاف بلاامتیاز کارروائیاں جاری ہیں۔
Short Link: https://urdu.app.com.pk/urdu/?p=596159
