اے ٹی سی میں 26 نومبر کے احتجاجی کیس کی سماعت میں مزید آٹھ گواہوں کے بیانات قلمبند

راولپنڈی۔22دسمبر (اے پی پی):انسدادِ دہشت گردی عدالت (اے ٹی سی) میں 26 نومبر کے احتجاجی کیس کی سماعت میں مزید آٹھ گواہوں کے بیانات قلمبند کئے گئے ، پاکستان تحریکِ انصاف (پی ٹی آئی) کے رہنماؤں کے خلاف درج مقدمے پر کارروائی کی گئی۔پیر کو دورانِ سماعت عدالت نے ملزمان کے وکلا کی جانب سے دائر تین اہم درخواستوں پر استغاثہ کو نوٹس جاری کر دیے۔پہلی درخواست تعزیراتِ فوجداری کی دفعہ 265-K کے تحت دائر کی گئی، جس میں ملزمان کی ضمانت کی شرائط میں نرمی کی استدعا کی گئی ہے۔

دوسری درخواست میں ملزمان کے ذاتی بینک اکاؤنٹس ڈی فریز کرنے کی درخواست کی گئی، جس پر بھی عدالت نے استغاثہ سے جواب طلب کر لیا۔سماعت کے دوران استغاثہ کے مزید آٹھ گواہوں کے بیانات ریکارڈ کیے گئے، جس کے بعد اب تک مجموعی طور پر 16 گواہوں کے بیانات قلمبند ہو چکے ہیں۔ عدالت نے ان تمام 16 گواہوں پر جرح کے لیے آئندہ سماعت 2 جنوری 2026 مقرر کر دی ہے۔عدالت نے ہدایت کی کہ جرح مکمل ہونے کے بعد باقی ماندہ استغاثہ کے شواہد ریکارڈ کیے جائیں گے۔ مقدمے کی آئندہ سماعت 2 جنوری 2026 کو ہوگی۔