آئی سی سی مینز ٹی ٹوئنٹی عالمی کپ 2026 کے پہلے سیمی فائنل سے قبل میڈیا سرگرمیوں کا شیڈول جاری کر دیا گیا

کولمبو ۔2مارچ (اے پی پی):آئی سی سی مینز ٹی ٹوئنٹی عالمی کپ 2026 کے پہلے سیمی فائنل سے قبل منگل 3 مارچ کو میڈیا سرگرمیوں کا شیڈول جاری کر دیا گیا۔ پہلے سیمی فائنل میں جنوبی افریقہ قومی کرکٹ ٹیم اور نیوزی لینڈ قومی کرکٹ ٹیم مدِ مقابل ہوں گی۔ دونوں ٹیموں کے درمیان میچ بدھ کو مقامی وقت کے مطابق سہ پہر تین بجے ایڈن گارڈنز کولکتہ میں کھیلا جائے گا۔

جاری کردہ تفصیلات کے مطابق جنوبی افریقہ کی ٹیم منگل کی شام چھ سے نو بجے تک ایڈن گارڈنز میں پریکٹس سیشن کرے گی جبکہ اس سے قبل تقریباً پانچ بجکر پینتالیس منٹ پر پریس کانفرنس روم میں میڈیا سے گفتگو کرے گی۔ دوسری جانب نیوزی لینڈ کی ٹیم دوپہر دو سے شام پانچ بجے تک اسی مقام پر ٹریننگ کرے گی اور شام تقریباً پانچ بجے ذرائع ابلاغ کے نمائندوں سے بات چیت کرے گی۔ سیمی فائنل سے قبل دونوں ٹیمیں اپنی تیاریوں کو حتمی شکل دینے میں مصروف رہیں۔