جدہ۔16مئی (اے پی پی):انٹرنیشنل کمیٹی آف دی ریڈ کراس نے سوڈان میں اپنی انسانی ہمدردی کی کارروائیوں کا آغاز جدہ شہر کے شاہ عبدالعزیز بین الاقوامی ہوائی اڈے سے کردیا ہے تاکہ اس کی کارروائیوں کی معاونت کرنے والے انسانی ہمدردی کے عملے کی تیز رفتار نقل و حرکت کو آسان بنایا جا سکے اور وہاں کی فوری ضروریات کے لیے ہنگامی ردعمل کو بڑھایا جا سکے۔کمیٹی کے عہدیدار نے …
سوڈان میں اپنی انسانی ہمدردی کی کارروائیاں جدہ سے شروع کردیں، ریڈ کراس
جدہ۔16مئی (اے پی پی):انٹرنیشنل کمیٹی آف دی ریڈ کراس نے سوڈان میں اپنی انسانی ہمدردی کی کارروائیوں کا آغاز جدہ شہر کے شاہ عبدالعزیز بین الاقوامی ہوائی اڈے سے کردیا ہے تاکہ اس کی کارروائیوں کی معاونت کرنے والے انسانی ہمدردی کے عملے کی تیز رفتار نقل و حرکت کو آسان بنایا جا سکے اور وہاں کی فوری ضروریات کے لیے ہنگامی ردعمل کو بڑھایا جا سکے۔کمیٹی کے عہدیدار نے "العربیہ ڈاٹ نیٹ” کو خصوصی بیانات میں بتایا کہ مغربی سعودی عرب کا شہر جدہ پورٹ سوڈان شہر سے تقریباً ایک گھنٹے کی مسافت پر ہے لہذا اسے بہترین سٹریٹجک مقام سمجھا جاتا ہے جو ہماری انسانی ہمدردی کی کارروائیوں کو زیادہ مؤثر طریقے سے نافذ کرنے میں مدد دیتا ہے۔ انہوں نے یہ بھی کہا کہ جدہ شہر ایک فعال فیلڈ آپریشنل سینٹر ہے جو انہیں سوڈان کے اندر اور باہر اپنے عملے کو زیادہ رفتار اور لچک کے ساتھ تعینات کرنے کے قابل بناتا ہے جس سے انسانی ہمدردی کی کارروائیاں مضبوط ہوتی ہیں اور تنازع سے متاثرہ آبادی کی فوری ضروریات کو پورا کرنے کا موقع ملتا ہے۔
