وزیراعظم کے مشیر نجکاری محمد علی کی پاکستان کے80ویں یوم آزادی کے موقع پر قوم کو مبارکباد

اسلام آباد۔14اگست (اے پی پی):وزیراعظم کے مشیر برائے نجکاری/ چیئرمین نجکاری کمیشن محمد علی نے پاکستان کے 80ویں یوم آزادی کے پر مسرت موقع پر اندرون و بیرون ملک مقیم پاکستانیوں کودل کی گہرائیوں سے مبارکباد پیش کرتے ہوئے کہا ہے کہ آج کے دن ہم اپنے آباؤ اجداد کی بے پناہ قربانیوں سے حاصل ہونے والی آزادی کی نعمت پر فخر کرتے ہیں اور اپنی قومی لچک کا جشن مناتے ہیں۔ نجکاری کمیشن کی جانب سے سماجی رابطے کی ویب سائٹ پر اپنے پیغام میں انہوں نے کہا کہ ہم ایک واضح وژن اور ایک خوشحال معاشی مستقبل کے لیے نئے عزم کے ساتھ منتظر ہیں۔طویل مدتی نمو حاصل کرنے کے لیے، نجکاری کمیشن وفاقی حکومت کے کاروباروں میں حکومت کے کردار کو کم کرنے اور نجی شعبے کی زیر قیادت اقتصادی منظر نامے کی جانب منتقلی کو تیز کرنے کے ایجنڈے پر عمل پیرا ہے۔اس کے ساتھ ساتھ ریاست کی شمولیت پر نظر ثانی کرنے اور مضبوط پبلک پرائیویٹ پارٹنرشپ (پی پی پی ) پروگرام کو وسعت دینے سے جدید ٹیکنالوجی متعارف کرائی جائے گی، آپریشنل کارکردگی میں اضافہ ہو گا، اور کلیدی شعبوں میں مارکیٹ میں مسابقت کو فروغ ملے گا۔انہوں نے کہا کہ پاکستان کی مکمل اقتصادی صلاحیت کو حاصل کرنے کے لیے اجتماعی کوششوں کی ضرورت ہے۔ مشیر نجکاری محمد علی نے کہا ہے کہ سرمایہ کاروں، عالمی شراکت داروں اور مقامی اسٹیک ہولڈرز کے مسلسل اعتماد اور شراکت داری کے لیے ان کے مشکور ہیں، ہم کلیدی عوامی شعبوں میں اصلاحات پر عمل پیرا ہیں اور پائیدار ترقی کے لیے نئی راہیں کھولتے ہیں۔مشترکہ وژن، جدت اور سالمیت کے ساتھ مل کر، ہم ایک مضبوط، زیادہ موثر اور لچکدار پاکستان بنائیں گے۔ پاکستان زندہ باد!۔ پیغام میں 14 اگست, آزادی کا دن, پاکستان زندہ باد, پرائیویٹائزیشن کمیشن, اکنامک گروتھ, PPP اور InvestInPakistan کے ہیش ٹیگز بھی شیئر کئے گئے۔