امریکا میں قدرتی گیس کے نرخوں میں اضافہ

نیویارک ۔ 24 جون(اے پی پی) امریکا میں قدرتی گیس کے نرخوں میں اضافے کا رجحان رہا اور قدرتی گیس کے نرخ 10 ماہ کی بلند ترین سطح پر پہنچ گئے۔ نیویارک مرکنٹائل ایکسچینج میں کاروباری سرگرمیوں کے دوران قدرتی گیس کے آئندہ ماہ میں ترسیل کے معاہدے 2.1 سینٹ یا 0.8 فیصد کے اضافے سے 2.768 ڈالر فی ملین برٹش تھرمل یونٹس میں طے پائے جو کہ اگست 2015ءکے بعد قدرتی گیس کے نرخوں کی بلند ترین سطح ہے۔ ماہرین کے مطابق آئندہ دو ہفتوں کے دوران درجہ حرارت میں اضافے کی پیشگوئی کے باعث ایئر کنڈشننگ کیلئے توانائی کی طلب ریکارڈ سطح پر رہنے کا امکان ہے جس کے باعث قدرتی گیس کے نرخوں میں اضافہ دیکھا جا رہا ہے۔

Short Link: https://urdu.app.com.pk/urdu/?p=9813