لاہور ۔ 15 ستمبر (اے پی پی) پاکستانی ٹیم کے اوپننگ بیٹسمین احمد شہزاد نے ٹی ٹونٹی انٹرنیشنل کرکٹ میں کیوی بلے باز روز ٹیلر کو رنزوں کے اعتبار سے پیچھے چھوڑ دیا، شہزاد زیادہ رنز بنانے والے دنیا کے 23 ویں بلے باز بن گئے ہیں، شہزاد نے ورلڈ الیون کے خلاف تیسرے اور آخری ٹی ٹونٹی میچ میں 89 رنز کی دلکش اننگز کھیل کر یہ کارنامہ انجام دیا، شہزاد نے 51 میچز میں 1304 رنز بنا رکھے ہیں جبکہ ٹیلر نے 1256 رنز بنا رکھے تھے، ٹی ٹونٹی کرکٹ میں زیادہ رنز بنانے کا عالمی اعزاز برینڈن میک کولم کو حاصل ہے جنہوں نے 2140 رنز بنا رکھے ہیں۔
