اسلام آباد ۔ 7 جنوری (اے پی پی) محکمہ موسمیات کے مطابق آئندہ 24 گھنٹوں کے دوران اسلام آباد سمیت ملک کے بیشتر علاقوں میں موسم شدید سرد اور خشک رہے گا اس دوران پنجاب کے میدانی علاقوں، پشاور ڈویژن اور بالائی سندھ میں صبح اور رات کے اوقات میں دھند پڑنے کا امکان ہے۔گزشتہ 24 گھنٹوں کے دوران اسلام آباد ، راولپنڈی، گوجرانوالہ ڈویژن، مالاکنڈ، ہزارہ، کشمیر اور گلگت بلتستان میں چند مقامات پر بارش اور پہاڑوں پر برف باری ہوئی جبکہ ملک کے بیشتر علاقوں میں موسم شدید سرد اور خشک رہا ۔ پنجاب کے میدانی علاقوں، پشاور ڈویژن اور بالائی سندھ میں صبح اور رات کے اوقات میں دھند چھائی رہی۔
