تہران ۔14مئی (اے پی پی):ایران نے کہا ہے کہ امریکا کی جانب سے نئی پابندیاں ناقابل قبول ہیں۔ تاس کے مطابق ایرانی وزارت خارجہ کے ترجمان اسماعیل بقائی نے کہا ہے کہ ایران کے جوہری پروگرام بارے اختلافات کے حل کے لئے مذاکرات کے دوران ایران کے خلاف امریکا کی جانب سے نئی پابندیاں عائد کرنا ناقابل قبول ہے۔ انہوں نے کہاکہ یہ پابندیاں مذاکرات کے حوالے سے ہمارے نقطہ نظر کو متاثر کریں گی۔
واضح رہے امریکی محکمہ خارجہ نے کہا کہ 12 مئی کوامریکا نے ایران کے تین افراد اور ایک ادارے پر جوہری ہتھیاروں کی تیاری میں مبینہ کردار پر پابندیاں عائد کر د گئی ہیں۔بیان میں کہا گیا ہے کہ ایران اپنے جوہری پروگرام کو کافی حد تک بڑھا رہا ہے اور جوہری ہتھیاروں اور جوہری ہتھیاروں کی ترسیل کے نظام پر تحقیق اور ترقی کی سرگرمیاں جاری رکھے ہوئے ہے۔
Short Link: https://urdu.app.com.pk/urdu/?p=596758
