اسلام آباد۔21اکتوبر (اے پی پی):پاکستان کی انٹر بینک مارکیٹ میں امریکی ڈالر کے مقابلے میں پاکستانی روپے کی قدر میں کمی ریکارڈ کی گئی ہے۔سٹیٹ بینک آف پاکستان کے مطابق پیر کو انٹر بینک مارکیٹ میں امریکی ڈالر کے مقابلے میں پاکستانی روپے کی قدر میں 07 پیسے کی کمی ریکارڈ کی گئی ہے جس کے بعد اس کی نئی قیمت 277 روپے 68 پیسے ہو گئی ہے۔
انٹر بینک مارکیٹ میں سعودی ریال کی قدر 73 روپے 94 پیسے جبکہ بحرینی دینار کی قدر 736 روپے 49 پیسے رہی۔اسی طرح عمانی ریال کی انٹر بینک مارکیٹ میں قدر 721 روپے 31 پیسے رہی، کویتی دینار کی قدر 906 روپے 37 پیسے اور قطری ریال کی قدر 76 روپے 16 پیسے ریکارڈ کی گئی۔دوسری جانب اوپن مارکیٹ میں امریکی ڈالر کی قیمت خرید 277 روپے 85 پیسے اور قیمت فروخت 279 روپے 35 پیسے ریکارڈ کی گئی۔
Short Link: https://urdu.app.com.pk/urdu/?p=515166
