ایشین بیچ ہینڈ بال چیمپئن شپ ،پاکستان سیمی فائنل میں پہنچ گیا

مسقط۔13مئی (اے پی پی):پاکستان کی ٹیم اپنی شاندار کارکردگی کی بدولت ایشین بیچ ہینڈ بال چیمپئن شپ کے سیمی فائنل میں پہنچ گئی ۔اومان کے دارالحکومت مسقط میں جاری ایشین بیچ ہینڈ بال چیمپئن شپ کے کوارٹر فائنل میں پاکستان نے سعودی عرب کو 1-2سے شکست دی۔

پاکستان کی کامیابی کا سکور 04-17، 14-06 اور 04-08 رہا۔اس سے قبل پاکستان نے گروپ میچز میں بھارت اور فلپائن کو شکست دی تھی جبکہ ایران اور اردن کے خلاف میچز میں پاکستان کو شکست کا سامنا کرناپڑا تھا ۔

Short Link: https://urdu.app.com.pk/urdu/?p=596371