اسلام آباد ۔ 6 اکتوبر (اے پی پی) بیلاروس کے صدر الیگزینڈر لوکا شینکو 3 روزہ سرکاری دورے کے بعد جمعرات کو یہاں سے وطن روانہ ہو گئے۔ وزیراعظم محمد نوازشریف نے نور خان ایئر بیس پر انہیں رخصت کیا۔ اس موقع پر بیلاروس کے صد ر کو اسلام آباد میں ان کے قیام کے بارے میں تصاویر پر مبنی البم بھی پیش کیا گیا۔ الیگزینڈر لوکا شینکو کے دورے کے دوران دونوں ممالک نے مختلف شعبوں میں تعاون کے 18 معاہدوں پر دستخط کئے۔ یہ گزشتہ 16 ماہ میں بیلاروس کے صدر کا دوسرا دورہ تھا۔
