میڈرڈ۔ 21 فروری (اے پی پی) شہرہ آفاق سوئس سٹار اور 20 مرتبہ کے گرینڈ سلام چیمپئن راجر فیڈرر رواں برس مئی میں شیڈول میڈرڈ اوپن ٹینس ٹورنامنٹ میں ایکشن میں دکھائی دیں گے۔ یہ ان کا گزشتہ تین برسوں بعد پہلا کلے کورٹ ٹورنامنٹ ہو گا۔ انہوں نے 2016ءمیں اٹالین اوپن کے بعد کسی کلے کورٹ ٹورنامنٹ میں حصہ نہیں لیا جبکہ انہوں نے آخری مرتبہ 2015ءمیں فرنچ اوپن میں شرکت کی تھی۔ فیڈرر نے اپنے بیان میں کہا کہ وہ میڈرڈ اوپن میں شرکت کیلئے بہت پر جوش ہو رہے ہیں، کوشش ہو گی کہ عمدہ کارکردگی کا مظاہرہ کر کے کلے کورٹ میں جاندار واپسی کروں۔
