اسلام آباد۔16فروری (اے پی پی):سربراہ پاک فضائیہ نے حکومت پاکستان کی جانب سے ڈی جی بیورو آف ملٹری اکویپمنٹ ٹیکنیکل کوآپریشن، عوامی جمہوریہ چین، جنرل فان جیانجن، کو ہلال امتیاز (ملٹری) کے اعزاز سے نوازا ، یہ اعزاز ارانھیں پاک فضائیہ کو جدید خطوط پر استوار کرنے کے ساتھ ساتھ آپریشنل صلاحیتوں میں اضافے کی بھرپور کوششوں اور اعلیٰ کارکردگی کے اعتراف میں دیا گیا۔ ترجمان پاک فضائیہ کے ترجمان کے مطابق جنرل فین کی انہی کاوشوں کی بدولت علاقائی طاقت کا توازن ممکن ہوا۔ دونوں معززین کے مابین ملاقات بھی ہوئی ہے جس میں باہمی دلچسپی کے اہم امور سمیت علاقائی پیش رفت پر تبادلہ خیال کیا گیا ۔
سربراہ پاک فضائیہ کا پاک فضائیہ کی جدید آپریشنل صلاحیت کو مزید بہتر بنانے کے اپنے وژن کے وسیع منصوبوں کا ذکر کیا ۔ ائیر چیف نے خاص طور پر آرٹیفشل انٹیلیجنس، سائبر اور اسپیس کے شعبوں میں جاری منصوبوں پر روشنی ڈالی۔ایئر چیف نے جدید رجحانات کے مطابق پاک فضائیہ کے آپریشنل ڈھانچے کی بہتری کے لیے جاری مختلف منصوبوں کا بھی ذکر کرتے ہوئے کہا کہ دونوں ممالک کے درمیان تاریخی اور بے مثال تزویراتی شراکت داری قائم ہے۔ ملاقات میں پاک فضائیہ اور پیپلز لیبریشن آرمی ایئر فورس کے مابین عسکری تعاون اور تربیتی شعبوں میں موجود دوطرفہ تعلقات کو مزید فروغ دینے کے عزم کا اعادہ کیا ۔
ائیر چیف نے کہا کہ پاکستان چین کے ساتھ اپنے مضبوط سفارتی، اقتصادی، دفاعی تعلقات اور لازوال دوستی کو قدر کی نگاہ سے دیکھتا ہے۔ دونوں ممالک کے مابین تعلقات علاقائی امن، سلامتی اور استحکام سے متعلق تمام اہم امور میں ہم آہنگی پر مبنی ہیں۔ ایئر چیف نے چین کی جانب سے پاک فضائیہ کو خود کفیل تکنیکی قوت بنانے کے عمل میں بطور تزویراتی شراکت دار، اپنا کردار ادا کرنے اور جدید منصوبوں کی تکمیل میں فراہم کردہ مدد پر چین سے اظہارِ تشکر کیا ۔ جنرل فان جیانجن کا ہلال امتیاز (ملٹری) سے نوازے جانے پر ائیر چیف اور حکومت پاکستان سے اظہارِ تشکر کیا ۔
جنرل فان جیانجن اس امید کا ظاہر کیا کہ دونوں ممالک کی فضائی افواج کے درمیان تعاون مستقبل میں بھی یونہی جاری وساری رہے گا۔معزز مہمان کی پاک فضائیہ کے اہلکاروں کی پیشہ ورانہ مہارت اور گزشتہ برسوں کے دوران پاک فضائیہ کی جانب سے خود انحصاری کے میدان میں کی گئی غیر معمولی پیش رفت کی تعریف کی ۔ جنرل فین نے پاک فضائیہ کو جدت کی طرف لے جانے میں سربراہ پاک فضائیہ کی کوششوں کو سراہا۔ جنرل فین نے نیشنل ایرو اسپیس سائنس اینڈ ٹیکنالوجی پارک کے وژن کی بھی تعریف کی۔
جنرل فان جیانجن کی علاقائی امن کے فروغ میں پاکستان کی کوششوں کی بھی تعریف کی ۔ دونوں معززین کا نئی ابھرتی ہوئی ٹیکنالوجیز اور عسکری صنعت سمیت مختلف شعبوں میں تعاون کو مزید مستحکم کرنے کے عزم کا اعادہ کیا۔
Short Link: https://urdu.app.com.pk/urdu/?p=351685
