سٹاک مارکیٹ میں تیزی، انڈیکس 62ہزار 545پوائنٹس سے تجاوز کر گیا

اسلام آباد۔5دسمبر (اے پی پی):نگران حکومت کے اقدامات کے نتیجے میں سٹاک مارکیٹ میں تیزی کے باعث انڈیکس 62ہزار 545پوائنٹس سے تجاوز کر گیا۔ سٹاک ایکس چینج کےحکام کے مطابق منگل کو کاروبار کے آغاز پر پی ایس ایکس 100 انڈیکس میں 182پوائنٹس کا اضافہ ریکارڈ کیا گیا جس کے ساتھ انڈیکس 62ہزار545پوائنٹس کی بلند ترین سطح پر پہنچ گیا۔

ان کا کہنا تھا کہ نگران حکومت کی مثبت معاشی پالیسیوں کی وجہ سے سٹاک مارکیٹ میں زبردست تیزی دیکھنے میں آئی ہے۔ادھر، روپے کے مقابلے ڈالر کی قدر میں بھی 56 پیسے کمی دیکھنے میں آئی۔ حکومت کی مثبت معاشی پالیسیوں کی بدولت گزشتہ دو مہینوں کے دوران سٹاک ایکسچینج میں اضافہ اور ڈالر کے مقابلے میں روپے کی قدر بہتر ہورہی ہے۔

Short Link: https://urdu.app.com.pk/urdu/?p=416769